KONPLIZE DITUT ETA - GEROA KANTARI DENOK BATERA

Dakizuenez, hurrengo martxoaren 9an, Geroa kantari ospatuko dugu ikastolan. Maila guztiek haien abestia erakutsi eta gero, denon artean, Konplize ditut eta abestia abestuko dugu.

Horregatik, abesti horren bideoa (karaokearekin) eta letra uzten dizuet, entsaiatu dezazuen. Animo!

KONPLIZE  DITUT ETA

Emakume zuzenak,
okerrak, kirtenak,
moja txintxoak eta
zerrama irtenak,
itsusiak, politak,
atletak, herrenak:
konplize ditut eta
maite ditut denak.

Langileak, alferrak,
lanik ez dutenak,
tuntunak, mediokreak,
klaseko lehenak,
ale desegokiak,
andre txit gorenak:
konplize ditut...

Ama onak ta txarrak,
ama ez direnak,
lurrera jausi arte
mozkortzen onenak
ta umeen merienda
usaina dutenak:
konplize ditut...

Lotsatiak, ausartak
argalak, gizenak,
iletsuak, soil-soilak,
marimutilenak,
katemeak, gorilak
panterak, zezenak:
konplize ditut ...

Lehen munduko emeak,
kapitalistenak,
lur usaia daukaten
andre indigenak,
zuri, gorri, horiak,
beltzetan beltzenak:
konplize…

Markesaren alabak,
neskame gizenak,
printzesak ta sorginak,
ogroak, sirenak,
Maritxuak, Bartolo
itxura dutenak:
konplize…

Mikel Markez-Aire Ahizpak